Plantun de Prouvènço

Pèr coumpara dos planto d'encò nostre

Gleditsia triacanthos & Pilosella ziziana

Gleditsia triacanthos

Fabaceae Leguminosae

Noms en français : Févier d'Amérique, Carouge à miel.

Descripcioun :
Aubre que pòu èstre proun grand (mai de 10 m), emé de fueio forco retaiado en fueioun di pichot. Fai d'espinasso de la grosso sus lou pege e li branco. A l'autouno porto de gròssi dòusso rouginasso e proun largo.

Usanço :
L'aubre-di-cacalauso nous vèn dóu Canada. Si loungàssis espino servien pèr tira li cacalauso cuecho de soun cruvèu, d'aqui que vèn lou noum (TdF). Li fueio, richo en prouteïno soun bono à douna i bèsti. En Africo dóu miejour emplegon la poupo dóu fru pèr sougna d'ùni proublèmo de póumoun.

Port : Aubre
Taio : Pancaro entresigna
Fueio : coumpausado
Tipe bioulougico : Pancaro entresigna
Cicle bioulougico : Pancaro entresigna

Gènre : Gleditsia
Famiho : Fabaceae
Famiho classico : Leguminosae

Coulour de la flour : Jauno
Petalo : irreguliero
Ø (o loungour) flour : Pancaro entresigna
Flourido : Printems

Sòu : Ca
Autour basso e auto : Pancaro entresigna
Aparado : Noun

Liò : Ribiero
Estànci : Pancaro entresigna
Couroulougi : Pancaro entresigna
Ref. sc. : Gleditsia triacanthos L., 1753

Peludello(-de-Ziz)

Pilosella ziziana

Asteraceae Compositae

Nom en français : Piloselle de Ziz.

Descripcioun :
La peludello-de-Ziz se rescontro dins li tepiero seco de Prouvènço séusouso fin qu'à 2200 m dins lis Aup. Coume lis àutri peludello o esparello èi pas trop bèn couneigudo subretout que douno proun d'èr à la classico peludello-en-paumo, Pilosella cymosa. Pamens es uno planto coumuno que flouris pulèu d'ouro à la primo. Se recounèis à sis enflourejado mens sarrado d'ounte parton de cambo sus li coustat. Li fueio soun peréu pu agudo e pu verdo o verdalo. Coumpara emé la peludello-en-paumo que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 30 à 80 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Pilosella
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 1 à 1,5 cm
Flourido : Printèms - Estiéu

Sòu : Si (Ca)
Autour basso e auto : 100 à 2200 m
Aparado : Noun
Mai à juliet

Liò : Tepiero seco - Bos clar - Ermas
Estànci : Mesoumediterran à Subaupen
Couroulougi : Éurasiatico-Cèntre-Ouèst
Ref. sc. : Pilosella ziziana (Tausch) F.W.Schultz & Sch.Bip., 1862 (= Hieracium zizianum Tausch, 1828 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Gleditsia triacanthos & Pilosella ziziana

Coumpara Aubre-di-cacalauso emé uno autro planto

Coumpara Peludello(-de-Ziz) emé uno autro planto